УИХ-ын сонгуультай холбоотойгоор АЗХ-ноос АН-ын дарга Л.Гантөмөрт шаардлага хүргүүлж байна. Энэ үеэр АЗХ-ны Ерөнхийлөгч Б.Ган-Очир дараах мэдээллийг өгөв. Тэрбээр,

"2024 оны УИХ-ын ээлжит сонгууль хаяанд ирлээ. Өнөөдөр АЗХ 2024 оны УИХ-ын сонгуульд хэрхэн оролцох тухай хэвлэлийн хурал хийж байна. Энэ удаагийн УИХ-ын жагсаалтад АН залуучуудыг их нэр дэвшүүлээч ээ. Нэр дэвшигчдийнхээ 50-аас дээш хувийг дандаа нэр цэвэр, шинэ залуучуудаар эгнээгээ бүрдүүлж, АН-ын сонгон шалгаруулах хороо ажиллаач ээ гэдэг шаардлагыг АН-ын дарга Л.Гантөмөрт хүргүүлж байна. Энэ удаагийн сонгуульд эрх баригч МАН ялах юм бол ардчиллын сүүлийн сонгууль болох аюултай байна. Үүнтэй холбоотойгоор АЗХ-оос тогтоол гаргасан юм" гэв.