Эмийн үнэ, чанарын асуудлаар нотлох баримтыг шинжлэн судлах сонсгол эхэллээ. Өнөөдрийн сонсголоор Монгол Улсын эм зүйн салбарын өнөөгийн нөхцөл ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт, зайлшгүй шаардлагатай эмийн жагсаалтад албан тушаалтны нөлөөлсөн байдал, төрийн байгууллага дахь эм хангамжийн байгууллагын хамаарлыг судалж байна. Шинжээчийн танилцуулснаар, эм импортлогчдын тоо 2018 онд 161 байсан бол 2023 онд 194 болж өссөн байна. Ингэхдээ 2022 онд хамгийн их буюу 8.6 сая кг эм импортолжээ. Үнийн дүнгээр авч үзвэл, 2018 онд Монгол Улс руу 232 тэрбум төгрөгийн эм импортолж байсан бол 2023 онд 468 тэрбум төгрөгийн эм импортолсон байна.