Энэ мэдээ хуучирсан буюу 2024/04/12-нд нийтлэгдсэн мэдээ болно.

Т.Баясгалан: Жил жилийн сонгууль дөхөхөөр л зургийг минь “яриулаад”, нэр дэвших нь гэх юм. Тайван байцгаагаарай

Ангилал
Нийгэм Social pop
Огноо
Унших
1 минут 59 секунд

Сүүлийн өдрүүдэд МУГЖ, дуучин Т.Баясгаланг УИХ-ын 2024 оны сонгуульд нэр дэвших гэж байна гэх мэдээлэл цахим орчинд тархаж, иргэдийг багагүй төөрөгдүүлсэн. Тэгвэл уг асуудалд тэрбээр өөрийн байр сууриа илэрхийлжээ. Тодруулбал,

"Хүчирхэг луу жилд Олон Улсын хэмжээний хэд хэдэн чухал төсөл арга хэмжээг эхлүүлээд байгаагаа сарын эхэнд та бүхэндээ дуулгасан билээ.

Баясаа нь урлаг-соёл, боловсрол, бүтээн байгуулалтын салбарт 20 гаруй жил ажиллаж байгаа тул албан хувцастай зураг хөрөг авахуулах хэрэгцээ бишгүй бий шүү дээ. Гэтэл өнгөрсөн хэд хоногт нэг 2 зурагнаас болж, олны дунд нэлээд хэлэлцүүлэг болжээ. Жил жилийн сонгууль дөхөхөөр л зургийг минь “яриулаад”, нэр дэвших нь гэх юм. Анзаарахад, маш олон хүн дэмжсэн байсанд чин сэтгэлийн ТАЛАРХАЛ ИЛЭРХИЙЛЬЕ.

Харин цөөн хүмүүс хэлбэр дүрсээр хийрхэж, өнгө зүсээр өөнтөглөж, огт мэдэхгүй зүйлээ баттай мэт гайхамшигтай сайхан ярьцгаасан байсан. Сандарч мэгдсэн та бүхэн минь тайван амгалан байцгаагаарай. Аливаа ажлын шаардлага болон гадна дотны уулзалтууддаа зориулсан, албан хувцастай зураг цаашид ч их орох байх шүү.

Өнгөрсөн хугацаанд 10,000 айлын тулганд гал асааж, эмнэлэг, цэцэрлэг, сургууль барьж байгуулан, гурван жил Нийслэл-дүүргийн шилдэг татвар төлөгчөөр шалгарсан хамт олныг удирдан авч явдаг тул Монгол Улсдаа хөгжил дэвшил авч ирэх олон ажлуудаа хийж гүйцэтгэхийн төлөө өөрийн мэдэх салбартаа хүссэн ч эс хүссэн ч сэтгэл зүрхээ зориулах болно оо." гэжээ.

Б.Чойжилсүрэн: Чаддагаар нь Эрдэнэт үйлдвэртээ л өндөр үнээр шахаж байна
Б.Чойжилсүрэн: Чаддагаар нь Эрдэнэт үйлдвэртээ л өндөр үнээр шахаж байна
 
Аймгийн арслан Д.Алтанцоож түрүүллээ
Аймгийн арслан Д.Алтанцоож түрүүллээ
Энэ мэдээ хуучирсан буюу 2024/04/12-нд нийтлэгдсэн мэдээ болно.