Улаанбаатар хотод орон сууцны үнэ анх удаа буурав. Үндэсний статистикийн хорооны мэдээлснээр энэ оны гуравдугаар улирлын байдлаар орон сууцны үнэ өмнөх сараас 0.6 хувиар буурчээ. Өмнөх саруудад орон сууцны үнэ дунджаар 1-1.5 хувиар өсөж байсан юм. Гэсэн ч өнгөрсөн оны мөн үетэй харьцуулахад 9.1 хувиар өссөн дүнтэй байгаа юм.

Нийслэлд шинэ орон сууцны үнэ дунджаар нэг метр квадрат нь 3.98 сая төгрөгийн үнэтэй байна. Хамгийн өндөр дүнтэй нь Хан-Уул дүүрэгт 4.22 сая төгрөгийн үнэтэй байгаа юм.