Улаанбаатар-Дархан чиглэлийн авто замд томоохон хэмжээний эвдрэл гарч, аюултай нөхцөл байдал үүссэн талаар бид мэдээлсэн. Энэ талаар ТЦА-наас тодруулахад, "Төв аймгаас Дархан чиглэл дэх автозамын 80-81 километрт замын зорчих хэсэг цөмөрсөн нөхцөл байдал үүссэнтэй холбоотойгоор, тухайн замыг хариуцсан байгууллага хэвийн нөхцөлд оруулахаар ажиллаж байна. Иймд тухайн чиглэлийн замд зорчихдоо аюулгүй байдлыг хангаж хөдөлгөөнд оролцохыг зөвлөж байна" гэсэн байдаг.

Харин Зам тээвэр хөгжлийн яамны дэд сайд Л.Халтараас тодруулахад "Би одоо Дарханы зам руу явах гэж байна. Гүйцэтгэгч компани алдаа гаргасан бол хохирлыг 100 хувь нөхөн төлүүлнэ" гэх тайлбарыг өглөө.