УИХ-ын чуулганы үдээс өмнөх хуралдаанаар Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайланг хэлэлцэв.

Энэ үеэр УИХ-ын гишүүн Х.Ганхуяг "Буцаад 1990 он руу орох шахаж байна. Энэ өвөлжин цахилгаан тасарлаа. Эрчим хүчний хязгаарлалттай байгаагаа харсаар байгаад өнгөрлөө. Фэйсбүүкийн постоос айгаад л цахилгаан станцын ажлаа зогсоочихдог. Энэ байдлаасаа хэзээ ангижрах вэ. ХАА-н салбар гэхэд л 8.5 хувийн уналттай. Махны үнийг чөлөөлөхгүй бол хэзээ ч тооноос чанарт шилжихгүй. Асуудал үүсэхээр л зээлийг тэглэнэ л гэнэ, НДШ-ийг нь төлж өгнө л гэнэ. Малчид үүнийг хүсэхгүй байгаа шүү дээ" гэх байр суурийг илэрхийллээ.