БНСУ-ын алдарт дуучид болох Ким Хён Жун, MC Sniper, Bloo нар өнгөрөгч бямба гараг буюу хоёрдугаар сарын 17-ны өдөр Монгол Улсад "Your Valentine" тоглолтоо зохион байгуулсан.
Тэгвэл дуучин, жүжигчин Ким Хён Жун өөрийн цахим хаягаараа дамжуулан сэтгэгдлээ илэрхийлжээ. Тодруулбал, "Монголд зүүд шиг 3 шөнө 4 өдрийг өнгөрөөлөө. Цаг агаар хүйтэн байсан ч анх удаа ийм их цас харлаа. Монголчууд халуун дотно, зочломтгой зантай учраас дахин ирэхийг тэсэн ядан хүлээж байна.
Надад сайхан дурсамж үлдээсэн Монголын шүтэн бишрэгчид, найз нартаа дахин талархал илэрхийлж энэхүү нийтлэлийг бичиж байна" гэжээ.
