Д.Амарбаясгалан: Харьж буй туулай жилд эдийн засаг өсөж, иргэдэд үр өгөөжөө өгч эхлээд байна

Ангилал
Улс төр Эдийн засаг
Огноо
Унших
2 минут 13 секунд

Эрх чөлөө, шударга ёс, эв санааны нэгдлийг эрхэмлэсэн, Эрхэм хүндэт ардчилсан Монгол Улсын иргэд, зон олон та бүхэндээ

Ирж буй 17 дугаар жарны модон луу жилийн мэндийг өргөн дэвшүүлье.

Өвлийг давж, хаврыг угтдаг, өвөг дээдсээс уламжлалтай цагаан сарын баяраараа монголчууд бид ах дүү, амраг садантайгаа учран золгож, өнгөрч буй жилийнхээ үйл бүтээлийг дүгнэн, ирж буй жилийнхээ зорилго, зорилтоо зөвшилцөн ярилцдаг сайхан уламжлалтай билээ. Иймдээ ч сар шинийн баяр бол бидний өв соёлын салшгүй нэг хэсэг, тусгаар тогтнол, түүхэн уламжлалын нэг хэсэг байсаар байх нь дамжиггүй юм.

Харьж буй туулай жилд эх орны маань эдийн засаг 6.8 хувиар өсөж, улсын төсөв ашигтай гарч, эрдэс баялгийн олборлолт, үр ашиг хамгийн өндөр түвшиндээ хүрсэн нь иргэд олон нийтэд өгөөжөө бодитоор өгч эхлээд байна. Энэ бүхэн нь Шинэ сэргэлтийн бодлого, 5Ш ажиллагааг тууштай хэрэгжүүлсэнтэй шууд холбоотой юм.

Дэвшүүлсэн бодлогын ололт, хүрсэн амжилтыг бататгахын зэрэгцээ орон нутаг, алслагдмал хязгаарт иргэдийн ажил, амьдралын боломжийг эрс дээшлүүлэхээр Засгийн газраас 2024 оныг “Бүсчилсэн хөгжлийг дэмжих жил” болгон зарлаад байна. Өнгөрсөн хугацааны алдаа оноог залруулах, эдийн засгийг төрөлжүүлэх зорилго, зорилт энэ жил бодит биеллээ олж эхлэх нь гарцаагүй гэж үзэж байна. Учир нь шинээр бүрдэх парламент нь жагсаалтаас сонгогдож бодлого дэвшүүлэх 48, бүсчилсэн тойргийн зарчмаар сонгогдох 78 гишүүнээс бүрдэхээр байгаа нь томоохон түлхэц болох болно.

Монгол түмэн та бүхэн ирж буй луу жилдээ элгээрээ энх амгалан, төрлөөрөө түвшин амгалан байхыг хүсэн ерөөе.

САР ШИНЭДЭЭ САЙХАН ШИНЭЛЭЭРЭЙ.

Ойрын өдрүүдэд хүйтний эрч сулрах боловч 13-наас эхлэн цасан шуурга шуурахыг анхааруулж байна
Ойрын өдрүүдэд хүйтний эрч сулрах боловч 13-наас эхлэн цасан шуурга шуурахыг анхааруулж байна
 
Маргааш нийслэлд өдөртөө ялимгүй цастай
Маргааш нийслэлд өдөртөө ялимгүй цастай
Сэтгэгдэл (3)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!