Транс тос гэдэг нь ургамлын тосыг өндөр температурт халааж, устөрөгчтэй урвалд оруулснаар исэлдэж, мууддаггүй маргарин үүсгэсэн тосыг хэлнэ. Энэхүү тос нь муу холестерины түвшинг нэмэгдүүлэн сайн холестерины түвшинг багасгаж зүрх судасны өвчин, харвалт үүсэх эрсдэлийг нэмэгдүүлдэг байна.

Түүнчлэн ДЭМБ-аас хоногийн хоолоор авах транс тосыг нийт илчлэгийн 1 хувь хүртэл бууруулахыг зөвлөсөн байдаг. Хэрэв таны сонгож буй хүнсний бүтээгдэхүүний шошгон дээр "Hydrogenated vegetable oil" хэмээх бичиг байвал тухайн бүтээгдэхүүнийг транс тос агуулсан гэж ойлгоорой.