Монгол бөхийн өргөөнд өнөөдөр Үндсэн хуулийн өдөрт зориулсан улс, аймгийн алдар цолтой 128 бөхийн уламжлалт барилдаан боллоо.
128 бөх зодоглосон тус барилдаанд Ховд аймгийн Зэрэг сумын бөх, улсын заан Б.Бат-Өлзий түрүүлж, Ховд аймгийн Буянт сумын бөх, улсын аварга О.Хангай үзүүрлэв.
Өнгөрсөн жилийн барилдаанд Хэнтий аймгийн Өмнөдэлгэр сумын харьяат улсын арслан Э.Оюунболд түрүүлсэн бол Завхан аймгийн Яруу сумын харьяат улсын заан М.Лхагвагэрэл үзүүрлэж байсан юм.
