Хөрөнгө оруулалтын тухай хуулийн шинэчилсэн найруулгын төслийг өнөөдөр УИХ-аар хэлэлцэх эсэх асуудлыг хэлэлцсэн боловч АН-ын бүлэг завсарлага авсан билээ. Мөн эл хуулийн төсөлтэй холбогдуулан өчигдөр Ерөнхийлөгч асан Х.Баттулга УИХ-ын даргад шаардлага хүргүүлсэн байдаг. Үүнтэй холбогдуулан АН-ын гишүүн М.Тулгат дараах байр суурийг илэрхийлжээ.

Тэрбээр "Жижиг сажиг өө гаргаж ирээд мянга үндэслэлтэй ухаантай юм ярьсан ч, эхнээсээ (Женкогоос болж) олон нийтэд АН эсрэг байгаа юм байна гэдэг имиж бүрдчихлээ. Ёстой нэг бүтэхгүй ээ. Одоо алцаганаад байлгүй шууд дэмж, Бэйсэн, Туваан, Адъяа мэт нь балайраад байвал шууд задгай ор" гэжээ.