Өчигдөр буюу нэгдүгээр сарын 4-ны өдөр "Улаанбаатар смарт карт" ХХК-аас "Нийслэлийн Нийтийн тээврийн газраас 2024 оны нэгдүгээр сарын 1-ний өдрөөс оюутны картын зорчилтыг түр түдгэлзүүлэх талаар мэдэгдлийг манай компанид ирүүлсэн тул тодорхой шийдвэр гарах хүртэл оюутны картын хөнгөлөлттэй зорчилтыг түр зогсоож байгааг мэдэгдэж байна" гэх мэдээлэл гаргасан байдаг.

Тэгвэл НЗД-ын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг цахим хуудсаараа дамжуулан " Улаанбаатар смарт карт ХХК дангаараа ийм шийдвэр гаргах эрхгүй байгууллага. Энэ жилийн хувьд оюутны картын хөнгөлөлт хэвийн үргэлжилнэ" гэжээ.