Төрийн болон орон нутгийн өмчит, өмчийн оролцоотой зарим компаниудын үйл ажиллагаанд хяналт шалгалт хийх, хяналт шалгалтын тайланг Улсын Их Хуралд танилцуулах үүрэг бүхий Хянан шалгах түр хороо өнөөдөр 12.00 цагаас хуралдахаар болжээ. Хуралдаанаар Түр хорооны тогтоолын төсөл /Түр хорооны сонсголд гэрчээр дуудах тухай/, түр хорооны тогтоолын төсөл /Тогтоолын хавсралтад нэмэлт, өөрчлөлт оруулах тухай/ болон бусад асуудлуудыг хэлэлцэхээр тогтжээ.