Өнгөрсөн хоёрдугаар сард Малайзын Петалинг Жаяа хотын цагдаагийн алба хаагч хоёр монгол эмэгтэйг саатуулан, зочид буудалд хорьж, улмаар хүчирхийлсэн хэрэг гарсан билээ. Уг хэргийг үйлдсэн замын цагдааг дөрөвдүгээр сарын 12-нд баривчилж, 5 хоног саатуулан эрүүгийн хуулийн дагуу хүчингийн хэрэг үүсгэсэн ч, өнөөдрийг хүртэл шийдэгдээгүй байсан юм.

Тэгвэл Малайзын талаас дээрх хэргийг шүүх асуудал коронавирусний цар тахлын улмаас удаашралтай байна гэж тайлбарлаж байсан ч энэ сард шүүх хурал болж, хэрэгтнийг шүүнэ гэсэн мэдээлэл байна.