“Эрдэм транс” ХХК нь БНСУ-аас оруулж ирсэн автобуснуудынхаа үйлдвэрлэгдсэн оныг засварлаж, хуурамч бичиг баримт бүрдүүлсэн гэх үндэслэлээр тус компанийн захирал Я.Эрдэнэбилэг, гүйцэтгэх захирал Д.Хатанбаатар нарыг шалгасан байгаа талаар бид мэдээлж байсан.
Тэгвэл Я.Эрдэнэбилэгийг цагдаагийн байгууллагаас эрэн сурвалжилж эхэлсэн байна. Тус мэдээлэлд "Гэмт хэрэгт сэрдэгдсэн этгээд болох Ямааранзын Эрдэнэбилэгийг эрэн сурвалжилж байна. Энэ хүний талаарх мэдээллийг Цагдаагийн байгууллагын 102 тусгай дугаар болон 86225533, 91863399 дугаараар хүлээн авна. Мэдээллийн нууцлалыг чанд хадгална" гэжээ.
