2020 оны 07 дугаар сарын 28-ны өдөр Өлзийт автотээврийн шалган нэвтрүүлэх товчоогоор 3864 ДУА улсын дугаартай тээврийн хэрэгслээр иргэн O нь зохих зөвшөөрлийн бичиг баримтгүй 50кг говийн өнгөт чулуу тээвэрлэн явж байсан зөрчлийг илрүүлжээ.
Уг зөрчилийг шалган шийдвэрлэх ажиллагаа явагдаж байна гэж Нийслэлийн мэргэжлийн хяналтын газраас мэдээллээ.
Зөрчлийн тухай хуулийн 7.11 дүгээр зүйлийн 7-д зааснаар:
Хэрэв зөвшөөрөлгүйгээр байгалийн үнэт, эсхүл өнгөт чулууг олборлосон, худалдсан, худалдан авсан, тээвэрлэсэн,хадгалсан бол зөрчил үйлдэхэд ашигласан эд зүйл, хэрэгсэл, хууль бусаар олсон хөрөнгө, орлогыг хурааж, учруулсан хохирол, нөхөн төлбөрийг гаргуулж хүнийг нэг мянган нэгжтэй тэнцэх хэмжээний төгрөгөөр буюу нэг сая төгрөгөөр, хуулийн этгээдийг арван мянган нэгжтэй тэнцэх хэмжээний төгрөгөөр буюу 10 сая төгрөгөөр торгох зохицуулалттай.
UBN.mn сайтын редакц