Гандантэгчэнлин хийдийн Тэргүүн их хамба лам, хичээнгүй зүтгэлт XXIX Хамба номун хан, Соёлын гавьяат зүтгэлтэн, гавж Д.Чойжамц лам үүрэгт албанаас чөлөөлөгдөх хүсэлтээ өгөөд байсан. Тэгвэл түүний хүсэлтийг хийдийн Захиргааны өргөтгөсөн хурлаар хэлэлцэж, Тэргүүн их хамба лам Д.Чойжамцын оронд түүний өөрийн нэр дэвшүүлсэн БШДС-ийн багш, лхаарамба Д.Жавзандорж ламыг томилжээ.
Тэргүүн их хамба лам XXX Хамба номун хан, лхаарамба Д.Жавзандорж ламыг ширээнд залах ёслолын үйл ажиллагааг билгийн тооллын өлзийт сайн товлон гүйцэлдүүлэхээр тогтжээ.
