АН-ын Хүний эрхийн хорооны дарга Д.Ганбаяраас Д.Мөнх-Эрдэнийн асуудлаар тодруулга мэдээлэл авлаа. Тэрбээр энэ үеэр,

"УИХ-ын АН-ын бүлэгт хүсэлт гаргаад Д.Мөнх-Эрдэнийн асуудлаар сонссон. Харамсалтай нь хорих ангиас болон ХЭҮК-оос хүний эрх зөрчсөн асуудал байхгүй гэдэг мэдээллийг өгсөн. Бид 10 сарын 24-ний өдөр Д.Мөнх-Эрдэнэтэй уулзаж, 2 цаг гаруй ярилцсан. Тухайн ярилцлагаас 30 гаруй хуудас протокол хөтөлсөн. Ийнхүү түүний прокурорт бичсэн шаардлага, гомдлыг ил болгосон.

Д.Мөнх-Эрдэнийн эрхзүйн байдал дордсон, дарамттай байна. Сэтгэлзүйн хувьд тайван бус байсан. Ямар тариа хийлгэж байгаагаа ч мэдэхгүй байсан" гэв.