Цахим орчинд Дарханы замд тэмдэг тэмдэглэгээ муу байгаа талаар иргэд шүүмжлэлтэй хандаж буй. Тэгвэл үүнтэй холбогдуулан ЗТХ-ийн дэд сайд Л.Халтар дараах байр суурийг илэрхийллээ. Тодруулбал,

"Улаанбаатар-Дархан чиглэлийн авто замын суурь хучилтын ажил дууссан. Одоогоор 5 см-ийн өнгө хучилтын ажил хийгдэж байна. Өнгө хучилт хийгдсэний дараа хөвөөний ажил хийснээр замын тэмдэг, тэмдэглэгээ бүрэн дуусна.

Зарим хүмүүс Дарханы зам дууссан ч өндөр хурдтай яваа тээврийн хэрэгсэл хэрхэн зорчих, эргэх гэх мэт тэмдэг тэмдэглэгээ тодорхойгүй байгаа тухай олон нийтийн сүлжээнд нийтэлжээ.

Улаанбаатар-Дархан чиглэлийн авто замын ажил бүрэн дуусаагүй өнгө хучилтын ажил хийгдэж байгааг дахин хэлье. Тус авто зам нь хурдны зам биш учир жолооч нар хурдаа тохируулж анхаарал болгомжтой зорчоорой. Мөн Дарханы замаар улс төр хийхгүй байхыг хүсье" гэв.