Засгийн газрын өнөөдрийн хуралдаанаас гаргасан шийдвэрийг танилцуулах үеэр ЗГХЭГ-ын дарга Д.Амарбаясгалан "Үндэсний бөхөөс допингийн шинжилгээ авдаг байх эсэхийг эргэж харна. Ард түмнээс асууж шийднэ. Олон улсын жишгээр үндэсний спортод допингийн шинжилгээ авдаггүй" хэмээн мэдэгдсэн. Үүнтэй холбоотойгоор, Улсын аварга О.Хангай "Хэрвээ энэ шийдвэр хэрэгжээд эхэлвэл адилхан хэрэглээд барилдахаас өөр арга байхгүй. Тиймээс эрүүл мэндээ бодоод барилдахаа болих замыг сонгох байхдаа" хэмээсэн байна.