Нийтийн тээврийн парк шинэчлэлийн хүрээнд Хотын дарга асан Д.Сумъяабазар "Тэнүүн Огоо" ХХК-иар дамжуулан БНСУ-аас ногоон автобус оруулж ирсэн. Гэвч хуучин автобус оруулж ирсэн гэх асуудлаар үүрэгт ажлаасаа чөлөөлөгдсөн юм.

Тэгвэл парк шинэчлэлийн ажил үргэлжлэх эсэхийг Хотын даргад нэр дэвшиж буй Х.Нямбаатараас тодруулахад "Худалдан авах хуультай нийцүүлж шинээр автобус худалдан авах ажлыг нэн яаралтай хийнэ. Б.Дэлгэрсайхан сайдтай энэ талаар санал зөвлөлдсөн. Европын болон бусад үйлдвэрлэгч улсуудын үзэсгэлэн худалдаа, гаргаж буй үнийн санал зэрэгт судалгааны ажлыг хийж байгаа" гэлээ.