"Ханжөү 2022" Азийн наадмын нээлтийн ёслол өчигдөр буюу есдүгээр сарын 23-ны 20:00 цагт зохион байгуулагдаж, Азийн спортын их наадам албан ёсоор эхэллээ.
Азийн Наадамд 45 орны 12000 тамирчин спортын 61 төрлөөр 481 багц медалийн төлөө ур чадвараа сорин өрсөлдөх юм. БНХАУ-д 3 дахь удаагаа зохион байгуулж байгаа тус наадамд Тайландын баг хамгийн олон буюу 934 тамирчинтай оролцож байгаа нь Ханжөүгийн Азийн наадмын рекордыг тогтоожээ.
Харин 12 дахь удаагаа Азийн наадамд өрсөлдөж байгаа Монгол Улсын шигшээ багийн хувьд 408 тамирчин, 250 дасгалжуулагч албаны төлөөлөл оролцож байна.
