Дархан-Уул аймгийн Орхон сумын Баян-Өлзийт багийн “Шар”-ын голын усанд гурван хүн сэлэхээр орсон боловч нэг нь живж, амь насаа алджээ.

Тодруулбал, энэ тухай дуудлага мэдээлэл наймдугаар сарын 23-ны өдрийн 14:28 цагт ОБГ-т ирсэн бөгөөд тус аймгийн Онцгой байдлын газрын Эрэн хайх, аврах анги, Сэлэнгэ аймгийн Онцгой байдлын газар, Цагдаагийн газрын алба хаагчид иргэн М /47 настай, эрэгтэй/-ийг эрэн хайх ажиллагааг наймдугаар сарын 26-ны өдрийн 07:10 цагаас зохион байгуулж, мөн өдрийн 12:10 цагт осолдсон газраас хойд зүгт 19 км-т, Сэлэнгэ аймгийн Шаамар сумын гуравдугаар багийн “Цагаандаваа” гэдэг газарт “Орхон” голын усны мандлаас цогцсыг олж, гарган Дархан-Уул аймгийн Цагдаагийн газрын мөрдөгчид ахлуулсан бүрэлдэхүүнд шилжүүлэн өгсөн байна.