Өнөөдөр буюу 2023.08.21-ний өдөр болох үйл явдлын мэдээллийг хүргэе.
-Чингис хаан үндэсний музейд “Уур амьсгалын өөрчлөлт ба залуус” форум болж байна.
-09:00 цагт Corporate зочид буудлын их танхимд, Азийн физикийн олимпиадын хүрээнд зохион байгуулж буй физикийн багш нарын үндэсний сургалт, зөвлөгөөн болно. Нээлтэд БШУ-ны сайд Л. Энх-Амгалан, БЕГ-ын дарга Т.Ням-Очир, ФТХ-ийн захирал Ж.Даваасамбуу нар оролцоно.
-УИХ, ЭМЯ, ДЭМБ хамтран Дэлхийн эрүүл мэндийн асуудлаарх Ази, Номхон далайн орнуудын парламентчдын VII чуулганыг “Ирээдүйн төлөө анхан шатны тусламж үйлчилгээг бүтээе” сэдвийн дор Улаанбаатар хотноо зохион байгуулна.
-10:00 цагт Хангарди ордны 14 давхарт Хотын дарга ажлаа авснаас хойших 1,000 хоногт юу хийснээ Улаанбаатар хотоос сонгогдсон УИХ-ын гишүүдэд тайлагнаж, цаашдын хамтын ажиллагааны талаар санал солилцоно.
-"Улаанбаатар 2023" Зүүн азийн залуучуудын наадам үргэлжилнэ.
