Бишкект болж буй 23 хүртэлх насны чөлөөт бөхийн Азийн аварга шалгаруулах тэмцээний эрэгтэйчүүдийн 86 кг-ын жинд өнгөрсөн жилийн залуучуудын Азийн аваргын мөнгөн медальт, Төв-Арж, "Монгол" группийн бөх Наадамбатын Батбилгүүн дөрвөн ялалтаар алтан медалийн эзэн боллоо.

19 настай түүний хувьд шигшээ барилдаанд БНХАУ-ын Өвөрмонгол бөх Сийлэнхүүг 7:1-ээр илүүрхснээр Монголын эрэгтэй бөхчүүдээс "U23" насны ангилалд Азийн аваргад түрүүлсэн дөрөв дэх эрэгтэй тамирчин болж байгаа аж.