УИХ-ын чуулганы нэгдсэн хуралдаанаар Үндсэн хуульд оруулах өөрчлөлтийн төсөл болон дагаж мөрдөхөд шилжих журмын тухай хуулийн төслийг хэлэлцэж байна. Энэ үеэр УИХ-ын гишүүн Б.Энх-Амгалан "Цаашид эцэг хуулиараа дахин оролдсоор байх уу. Баталгаа юу байна гэж иргэд асууж байна. Та бүхэн тооны билэгдэл яриад байгаа бол улс орноо гэр орон гэж бодож байгаа бол гишүүдийн тооны өөрчлөлтөө 88 болгооч дээ. Униныхаа бэлгэдлээр гэж. Тэнгэр заяатай гэх гээд байгаа бол 99 болгооч гэж байна. Тогтолцоог бол дэмжиж байна лээ.

Хөгжлийн бэрхшээлтэй, улсын сайн малчдын төлөөлөл, эрдэмтэн мэргэдийн төлөөллийг жагсаалтынхаа эхэнд бичээд араас нь улс төрчдийнхөө нэрийг бичээрэй гэсэн. Намын ард улс орноо тонон дээрэмдсэн улс төрчид нь ороод ирдэг. Нам дугуйлахгүй, хүн дугуйлна гэж хэлснийг хэлье" гэлээ.