Хөгжлийн банкны гэх эрүүгийн хэргийн шүүх хурал 33 дахь өдрөө үргэлжилж байна. Өнөөдрийн шүүх хурлаар “Вертекс майнинг партнер” ХХК-д Хөгжлийн банкнаас олгосон зээлтэй холбоотой нотлох баримтыг шинжлэн судалж байна. Улсын яллагчийн зүгээс хэрэгт авагдсан нотлох баримтуудын хэсгээс танилцуулахад тус компанид зээл олгох үед гаргасан Эрсдлийн үнэлгээ удирдлагын газрын дүгнэлтээр "2019 оны 12 дугаар сарын 20-ны өдрийн үнэлгээгээр барьцаа хөрөнгийг 33 тэрбум 151 сая төгрөгөөр тогтоосон, зээл барьцаа хөрөнгийн эрсдлийн харьцаа үзүүлэлт 99.54 хувь журмын шаардлага хангаж байна. “Вертекс майнинг партнер” ХХК-ийн хэрэгжүүлж буй Ухаа худаг уурхайн хөрс хуулалтын үйл ажиллагааг өргөтгөх, техникийн хүчин чадлыг нэмэгдүүлэх төслийн хүрээнд зээл олгох саналыг дэмжихэд татгалзах зүйлгүй" гэжээ.