Шилэн ажиллагааны хүрээнд төрийн оролцоо бүхий тусгай сангуудыг мэдээлэл нээлттэй болгосоор байна. Тухайлбал өнөөдөр Эрүүл мэндийн даатгалын сан 2018-2022 оны санхүүгийн зарцуулалтын байдлыг нээлттэй байршуулсан юм. Тэгвэл Бүх нийтийн үйлчилгээний үүргийн сангаас Таванбогд Групп ХХК нь 2014 онд "Орон нутагт тоон радио телевизийн үйлчилгээний чанар, хамрах хүрээг сайжруулах, засвар үйлчилгээг шуурхай зохион байгуулах зорилгоор автомашин нийлүүлэх" төслийг хэрэгжүүлэхээр 179 сая 500 мянган төгрөгийг авч байжээ.