Улс төрчдийн хамаарал бүхий этгээдүүд Боловсролын зээлийн сангаас зээл авч гадаадын их, дээд сургуульд суралцсан талаарх мэдээлэл нийтэд ил болсноор олон нийтээс ихээхэн шүүмжлэлийг хүртэж буй. Тухайлбал, УИХ-ын гишүүн, ТББХ-ны дарга Нямаагийн Энхболдын хүү Одмөнх 2008 онд АНУ-ын Стрэйер их сургуульд суралцахаар БЗС-гаас 32 мянган ам.долларын зээл авсан байдаг. Энэ нь одоогийн ханшаар 110 сая 688 мянган төгрөгтэй дүйцэх мөнгөн дүнгийн зээл авч суралцсан гэсэн үг юм.