"Боловсролын тухай багц хууль"-д англи хэлийг үндсэн гадаад хэл болгох мөн бага ангиас нь эхлэн заах талаар УИХ-ын гишүүн Г.Дамдинням мэдээлсэн. Тэгвэл иргэдийн дунд англи хэлийг нэгдүгээр ангиас нь эхлэн хүүхдүүдэд заана гэх мэдээлэл тархсан бөгөөд үүнд Боловсролын сайд Л.Энх-Амгалан дараах тайлбарыг өгчээ. Тодруулбал,
"Өдрийн турш Англи хэлийг 1-р ангиас нь заахаар болсон байна. Буруу, зөв гэж сошиал сүлжээнд маш их маргалдсан байна. Тодруулья:
- Боловсролын хуулийн анхны хэлэлцүүлгээр Англи хэл бол үндсэн гадаад хэл байна.
- Хуульд 1-р ангиас Англи хэл заах тухай ямар ч үг, өгүүлбэр, заалт байхгүй.
- Шинэ хөтөлбөрөөр 3-р ангиас Англи хэл заана гэж төлөвлөсөн. Гэхдээ бидэнд бэлтгэл хэрэгтэй. Хөтөлбөрөө бэлдэнэ, сурах бичгээ бэлдэнэ, багшаа бэлдэнэ" гэжээ.
