УИХ-ын хаврын ээлжит чуулганы 2023.04.28-ны нэгдсэн хуралдаан үргэлжилж байна. Үдээс хойших хуралдаанаар УИХ-ын гишүүн Х.Ганхуягийн зүгээс Эрчим хүчний сайд Б.Чойжилсүрэнд хандаж, "Эрчим хүчний хангамжийн найдвартай байдал"-ын талаар тавьсан асуулгын хариуг сонсох үеэр мөн УИХ-ын гишүүн Н.Наранбаатар асуулт асууж хариулт авлаа.

УИХ-ын гишүүн Н.Наранбаатар: Манай аймгийн Ноён, Сэврээ, Гурвантэс сумын эрчим хүчээ БНХАУ-аас авч байгаа. Ингэхдээ нэг уул уурхайн компанийн хөрөнгөөр тавьсан шугамаас авч байгаа. Цахилгааны тасалдал маш их байдаг. Тиймээс Даланзадгад-Ноён чиглэлийн 220 км цахилгаан дамжуулах шугамын төсөв, хөрөнгийг ирэх жилийн улсын төсөвт суулгаж өгөх боломж байна уу?

УИХ-ын гишүүн, Эрчим хүчний сайд Б.Чойжилсүрэн: Өнгөрсөн долоо хоногт МАК ХХК-ийн захирал Б.Нямтайшир бид нар уулзсан. Тэднийх 30 мВт-ын цахилгаан станц баръя. ТЭЗҮ-гээ хийе. Хурдтай баталж өгөөрэй гэсэн. Дэмжье гэж гаргасан. Хариулт дууслаа.