ОХУ-ын Хабаровск хотод Оросын самбо, жүдо бөхийн үндэслэгч Василий Сергеевич Ощепковын дурсгалд зориулсан жүдо бөхийн насанд хүрэгчдийн олон улсын тэмцээн дөрөвдүгээр сарын 01-02-нд зохион байгуулагдлаа. Тэмцээнд Беларусь, Армен, Монгол, Энэтхэг, Израиль, ОХУ-ын хот, бүс нутгуудаас оролцсон 31 багийн 188 тамирчин эрэгтэй, эмэгтэй тамирчин тус бүр долоон жинд өрсөлдөв.

Тэгвэл манай улсаас 15 тамирчин оролцсноос 1 алт, 1 мөнгө, 3 хүрэл медаль хүртсэн байна. Тодруулбал,

• Лхагважамцын Өнөболд - 66 кг-ийн жинд Алтан медаль
• Кадарбекийн Ёолк - 60 кг-ийн жинд Мөнгөн медаль
• Энхтайваны Сумъяабазар - 60 кг-ийн жинд Хүрэл медаль
• Ганхуягийн Галмандах - 66 кг-ийн жинд Хүрэл медаль
• Одгэрэлийн Уранбаяр - 73 кг-ийн жинд Хүрэл медаль