УИХ-ын чуулганы нэгдсэн хуралдаан гурван гишүүний бүрэн эрхийг түдгэлзүүлэх асуудлаар хаалттай хуралдаж байна. Чуулганы хуралдааны эхэнд гишүүдийн зүгээс нээлттэй хэлэлцэх саналыг тавьсан юм. Энэ талаар УИХ-ын дарга Г.Занданшатар "3 гишүүний бүрэн эрхийг түдгэлзүүлэх асуудал дээр төрийн нууц биш бол нуугаад байх зүйлгүй. Нээлттэй хэлэлцэх ямар боломж байна" хэмээн тодруулахад уг асуудал нь нууцын зэрэгтэй "Албаны нууц" гэж орж ирсэн тул нээлттэй хэлэлцэх боломжгүй гэх хариуг УИХ-ын тамгын газраас өгсөн юм.