Энэтхэгийн Нью-Дели хотод зохион байгуулагдаж буй сонирхогчдын боксын эмэгтэйчүүдийн ДАШТ-ий хагас шигшээ тоглолтууд өнөөдөр болж байна. Тэгвэл 48 кг-ын жинд хүрэл медалийн болзол хангаад байсан үндэсний шигшээ баг, “Аврагч” спорт хорооны тамирчин ОУХМ Лутсайханы Алтанцэцэг дөнгөж сая хагас шигшээ буюу медалийн өнгөө хувиргах тулаанаа Мароккогийн 25 настай боксчин Ясмин Моуттакетэй хийж 5:0-ээр ялалт байгууллаа. Ийнхүү тэрбээр финалд шалгарлаа.

ДАШТ нэг хоног завсарлах бөгөөд Л.Алтанцэцэг нөгөөдөр Вьетнамын Ти Там Нгуйен, Францын Вассила Лхадири нарын ялсан тамирчинтай нь алтан медалийн төлөө өрсөлдөх юм.