Ээжийнхээ хамтран амьдрагчид зодуулж, ГССҮТ-д ухаангүй хэвтэн эмчлүүлж буй гурван настай хүүг сэрсэн гэх мэдээлэл цахим орчинд тархаад буй. Тэгвэл уг асуудлаар ГССҮТ-өөс тодруулахад,

"ГССҮТ-ийн Эрчимт эмчилгээний тасагт эмчлүүлж байгаа гурван настай хүүгийн биеийн байдал хүнд хэвээр байна. Эмнэлгийн зүгээс шаардлагатай бүх тусламж үйлчилгээг үзүүлж байгаа бөгөөд өвчтөний эрүүл мэндийн талаарх мэдээллийг ар гэрийнхэнд нь цаг тухайд нь хүргэж байгаа.

Иймд цахим орчинд хандалт авах, олны анхаарлыг татах зорилгоор худал ташаа мэдээлэл нийтэд тараахгүй байхыг хувь хүн, хэвлэл мэдээллийн байгууллагуудад анхааруулж байна" гэлээ.