Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсголын гурав дахь шат Төрийн ордноо өнөөдөр /2023.03.17/ тав дахь өдрөө үргэлжилж байна. Сонсголоор ХАА, хөнгөн үйлдвэрийн ноос, ноолуур сүү хүлэмж, оёдлын салбарт хэрэгжсэн төсөл хөтөлбөр, түүнд олгосон зээлийг хэлэлцэж байгаа юм.

Сүү, сүүн бүтээгдэхүүн үйлдвэрлэлийн төсөлд зориулж 44 зээлдэгчид, 52.7 тэрбум төгрөгийн санхүүжилт олгогдсоноос энэ оны нэгдүгээр сарын 31-ний өдрийн байдлаар 11 зээлдэгчийн 2.4 тэрбум төгрөгийн зээл төлөгдөөгүй байгаа юм.

Тухайлбал, Голомт банк Хөгжлийн банктай байгуулсан гэрээний "Сүүлийн гурван жил үйл ажиллагаа явуулсан байх" шаардлагыг хангаагүй "X тайлан"-тай дөрвөн зээлдэгчид санхүүжилт олгосон гэж шинжээч танилцууллаа.