Сүүлийн жилүүдэд гэр бүлийн хүчирхийлэл даамжирч, эмэгтэйчүүд, хүүхдүүд эрүүл мэнд, амь насаараа хохирох тохиолдол их гарч байна. Тиймээс олон нийтийн зүгээс гэр бүлийн хуулиа яаралтай өргөн барьж батлуулахыг шаардаж буй.
Тэгвэл УИХ-ын эмэгтэй гишүүд нэгдэн "Гэр бүлийн тухай хууль"-д нэмэлт өөрчлөлт оруулах тухай хуулийн төслийг боловсруулан ажиллаж буй бөгөөд Ч.Ундрам гишүүн хувийн асуудлаас шалтгаалан уг хуульд оролцохгүй байгаа талаараа мэдээллээ. Тэрбээр,
"Уг хууль 1999 онд батлагдсан. Гэвч өнөөдөр нийгэм, цаг үеийн асуудал өөрчлөгдсөн. Мөн хуулийн төслийг боловсруулаад өргөн барих хүртэл хагас жилийн хугацаа шаарддаг. Гэхдээ миний хувьд хувийн асуудал гарсан учир "Гэр бүлийн тухай хууль"-д оролцохоо түр зогсоогоод өөр хуулиудад ажиллаж байна" гэлээ.
