Д.Тогтохсүрэн: Монгол ёсоор 5,6 ахмаддаа 20 мянган төгрөг өгсөн, хууль бус зүйл биш

Ангилал
Улс төр
Огноо
Унших
1 минут 40 секунд

УИХ дахь МАН-ын бүлгийн дарга Д.Тогтохсүрэн тойрогтоо ажиллах үеэрээ тойргийнхоо иргэдэд дугтуйтай мөнгө тарааж буй бичлэг цахим орчинд цацагдсан. Энэ талаар болон УИХ-ын гишүүн бүрэн эрхийн талаар түүнээс тодрууллаа.

-Т.Аюурсайхан УИХ-ын гишүүнээсээ татгалзах хүсэлтээ эргүүлж татсан уу?

-Ж.Мөнхбат гишүүний өргөдлийн ирэх долоо хоногт хэлэлцэнэ. Т.Аюурсайханы хувьд ЗГ-ын гишүүнээс чөлөөлөгдөх хүсэлтээ өгсөн. Харин УИХ-ын гишүүнээс чөлөөлөгдөх хүсэлтээ өгөөгүй. Одоогоор УЕП байхгүй учраас гишүүдийг эргэн татах асуудал яригдаагүй байна. Ямартай ч УИХ-ын гишүүнээс татгалзах хүсэлтээ УИХ-ын дарга Г.Занданшатарт өгөөгүй юм билээ.

-Таныг АТГ-аас шалгаж байгаа юу?

-Би уржигдар Хархорин суманд буюу өөрийн тойрогтоо ажилласан. Тухайн үед уулзалтад ирсэн 5,6 ахмадуудад хүндэтгэл үзүүлсэн. Хууль зөрчсөн зүйл байхгүй. Хүндэтгэл үзүүлсэн бичлэгийг АН-ынхан бичээд цахимд тавьсан юм билээ. Дугтуйнд 20 мянган төгрөг байсан. Нэгдүгээрт, улс төрийн зорилгоор мөнгө тараах гэж байгаа бол ил тараах хүн байхгүй. Мөнгө тараах зорилго ч байхгүй, мөнгө ч байхгүй. УИХ-ын гишүүний хувьд тойрогтоо ажиллахдаа хийхэд буруудахаар зүйл биш.

-БОАЖЯ-ны ТНБД асан Э. Баттулга таны хүргэн мөн үү?

-Намайг холбоод байдаг юм. Манай хүргэн биш. Томилгоонд нь ч оролцсон асуудал байхгүй.

Х.Зориг

ТОДРУУЛГА: “Өргөө кино театр өргөтгөлийн барилгаа манайх руу шахаж барьснаас хоёр барилга нийлсэн”
ТОДРУУЛГА: “Өргөө кино театр өргөтгөлийн барилгаа манайх руу шахаж барьснаас хоёр барилга нийлсэн”
 
Т.Доржханд: Прокуророос гурван гишүүнийг оруулж ирсэн нь түргэдсэн. Сонсголын дараа асуудлуудаа нэг мөр оруулж ирэх байсан
Т.Доржханд: Прокуророос гурван гишүүнийг оруулж ирсэн нь түргэдсэн. Сонсголын дараа асуудлуудаа нэг мөр оруулж ирэх байсан
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!