Хөгжлийн банкны асуудлаарх нотлох баримтыг шинжлэн судлах гурав дахь удаагийн нээлттэй сонсгол дөрөв дэх өдрөө Төрийн ордонд үргэлжилж байна. Өнөөдрийн сонсголоор экспортыг дэмжих импортыг орлох үйлдвэрлэлийн 888 төслийн асуудлыг хэлэлцэж байгаа юм.
Капитал банкны Гүйцэтгэх захирал асан А.Ариунболдын 100 хувийн эзэмшлийн Нью Даниста Рөүд энд Констаркшн ХХК нь хавтан тавилгын үйлдвэр төслийн хүрээнд эл банкаар дамжуулан Хөгжлийн банкнаас 3.7 тэрбум төгрөгийн зээл авчээ. Нийт санхүүжилтээс 3.1 тэрбум төгрөгийг бэлнээр зарлагадаж, 524 сая төгрөгийг дотоодын компаниудад шилжүүлсэн байна.
