Хөгжлийн банкны асуудлаарх нотлох баримтыг шинжлэн судлах гурав дахь удаагийн нээлттэй сонсгол дөрөв дэх өдрөө Төрийн ордонд үргэлжилж байна. Өнөөдрийн сонсголоор экспортыг дэмжих импортыг орлох үйлдвэрлэлийн 888 төслийн асуудлыг хэлэлцэж байгаа юм. Юнико ХХК нь полипропилен хоолой үйлдвэрлэлийн төслийн хүрээнд Капитал банкаар дамжуулан 7.2 тэрбум төгрөгийн зээлийг Хөгжлийн банкнаас авчээ. Нийт санхүүжилтээс 1.7 тэрбум төгрөгийг бэлнээр зарлагдажээ. 3.6 тэрбум төгрөгийг дотоодын компаниудад шилжүүлж, зээл төлөлтөд 1.8 тэрбум төгрөгийг зарцуулсан байна.

Одоогоор эл компанийн 100 хувийн хувьцаа эзэмшигчээр Юнико Инженеринг ХХК эзэмшдэг бөгөөд идэвхгүй хувьцаа эзэмшигчээр УИХ-ын гишүүн Б.Ундармаа болон түүний нөхөр Капитал банкны Гүйцэтгэх захирал асан А.Ариунболд нар юм.