Өнгөрсөн даваа гарагт БНТУ-д газар хөдлөлт болж, өнөөдрийн байдлаар амиа алдагсдын тоо 21,000 давжээ. Тэгвэл аврагчид газар хөдлөлтөөс хойш 90 цагийн дараа буюу дөрөв хоногийн дараа 10 хоногтой нярай болон түүний ээжийг нурангиас эсэн мэнд аварч чадсан байна.

Хүүг дулаан хөнжлөөр хучин гаргаж, дараа нь түргэн тусламжийн машин руу аваачиж байгаа дүрс бичлэг цацагджээ. Харин ээжийг нь дамнуургаар гаргаж авсан байна. Гэвч одоогоор эх, нярай хоёрын эрүүл мэндийн талаарх дэлгэрэнгүй мэдээлэл алга гэж BBC агентлагт мэдээлжээ.