Нотлох баримтыг шинжлэн судлах гурав дахь шатны сонсгол өнөөдөр /2023.02.08/ Төрийн ордонд үргэлжилж байна. Яг одоо Шинэ төмөр зам төслийн зарцуулалттай холбоотой шинжээчийн дүгнэлттэй танилцаж буй юм. Энэ үеэр гэрчээр дуудагдаж оролцож буй Ерөнхийлөгч асан Х.Баттулгын хувь эзэмшдэг компаниудын талаарх мэдээллийг танилцуулсан юм. Эл мэдээллээс харахад, тэрбээр ЮБП ХХК-ийн 60 хувийн хувьцааг эзэмшиж байжээ. Улсын бүртгэлийн байгууллагаас ирүүлсэн мэдээллээр ЮБП ХХК нь хориг тавьсан компаниудын жагсаалтад багтсан байна. Түүнчлэн Нью Яармаг хаусинг прожект ХХК-ийн гүйцэтгэх захирал Ц.Ууганбаяр нь хасагдсан хувьцаа эзэмшигчээр бүртгэгджээ. Тодруулбал, Ц.Ууганбаяр нь ЮБП ХХК-ийн 20 хувийн хувьцааг эзэмшиж байжээ.