Нотлох баримтыг шинжлэн судлах гурав дахь шатны сонсгол өнөөдөр /2023.02.08/ Төрийн ордонд үргэлжилж байна. Яг одоо Шинэ төмөр зам төслийн зарцуулалттай холбоотой шинжээчийн дүгнэлттэй танилцаж буй юм. Энэ үеэр гэрчээр дуудагдаж оролцож буй Ерөнхийлөгч асан Х.Баттулгын хувь эзэмшдэг компаниудын талаарх мэдээллийг танилцуулсан юм. Эл мэдээллээс харахад, тэрбээр Баян-Исгрийт ХХК-д хувьцаа эзэмшдэг аж. Мөн Баян-Исгрийт ХХК-ийн 70 хувийн хувьцааг Голомт банкны ТУЗ-ийн дарга асан, "Бодь интернэйшнл" ХХК-ийн үүсгэн байгуулагч Д.Баясгалан эзэмшиж байна.