Хөгжлийн банкны асуудлаарх Хянан шалгах түр хорооноос мэдээлэл хийлээ. Энэ удаагийн сонсгол ирэх сарын 6-11-ний өдрүүдэд зохион байгуулагдах юм. Хянан шалгах түр хорооны дарга, УИХ-ын гишүүн Б.Энхбаяраас сонсголд ирэхгүй байгаа улс төрийн албан тушаалтнууд, тэдгээрийн хариуцлагын асуудлыг тодруулахад тэрбээр "УИХ-ын гишүүд ирэхгүй байна гэх юм. Би үсдээд аваад ирж чадахгүй шүү дээ. Энэ тохиолдолд ганцхан хуулийн хариуцлага яригдахгүй. Хэрвээ УИХ-ын гишүүн аль эсвэл эрх бүхий албан тушаалтнаар ажиллаж байгаа бөгөөд тодорхойгүй шалтгаанаар ирэхгүй байгаа хүмүүсийн асуудалд улс төрийн, ёс зүйн хариуцлага яригдана. Хууль зүйн хариуцлага нь Зөрчлийн тухай хуульд зааснаар 300 мянган төгрөгөөр торгоно. Цаашид хариуцлагын асуудал дээр надад бодсон юм байна. Үүнийгээ дүгнэлтээ танилцуулах үеэрээ илэрхийлэх бодолтой байгаа" гэлээ.