ХЗДХ-ийн сайд Х.Нямбаатар мэдээлэл хийлээ. Тэрбээр "Өнөөдөр Боомтын сэргэлтийн үндэсний зөвлөл БНХАУ-ын ӨМӨЗО-ны дэд тэргүүлэгч, Боомтын асуудал хариуцсан дарга Хуан тэргүүтэй албаны хүмүүстэй цахим уулзалт хийлээ. Хоёр орны боомтын үйл ажиллагаа зэрэг олон асуудлаар санал солилцсон.

БНХАУ-ын Онцгой комиссын 144 дүгээр шийдвэр гарсан байна. Шийдвэрээр 2023 оны нэгдүгээр сарын 8-наас эхэлж, зорчигчийн, авто замын боомтуудыг шат дараатай нээх шийдвэр гарсан. Гэхдээ яг нэгдүгээр сарын 8-наас гэж ойлгоход бэрх байна. Эхний ээлжид бэлтгэл бүрэн хангагдвал Замын-Үүд-Эрээний боомтыг нээхээр болж байна. Бэлтгэл ажил хангагдаагүй тохиолдолд энэ хугацаа сунгагдаад явна.

Дараа нь Шивээхүрэн, Сэхээ, Ханги-Мандал, Бичигт гэх мэт дарааллаар боомтуудыг нээх бэлтгэл ажлыг хийж байгаа талаар ӨМӨЗО-ны төлөөллүүд илэрхийлсэн" гэв.