Энэ мэдээ хуучирсан буюу 2022/12/23-нд нийтлэгдсэн мэдээ болно.

ШӨХТГ: Албан шаардлага биелүүлээгүй зарим ломбардад мөнгөн торгууль оногдууллаа

Ангилал
Нийгэм
Огноо
Унших
1 минут 43 секунд

Шударга өрсөлдөөн, хэрэглэгчийн төлөө газраас албан шаардлага биелүүлээгүй зарим аж ахуй эрхлэгчдэд мөнгөн торгууль оногдуулсан талаар мэдээллээ.

Тодруулбал, "ШӨХТГ-аас барьцаалан зээлдүүлэх үйлчилгээ эрхлэгчдийн үйл ажиллагаанд өмнө нь хяналт шалгалт явуулахад зээлийн хүүгийн хэмжээг сарын 3 хувиас, алдангийн хэмжээг өдрийн 0.2 хувиас хэтрүүлэн тооцсон буюу хуулийн хэрэгжилтийг хангаагүйгээс гадна стандартын шаардлага хангахгүй байх зөрчил нийтлэг илэрсэн тул зөрчлийг арилгуулахаар Улсын ерөнхий байцаагчийн албан шаардлага хүргүүлсэн.

Энэхүү албан шаардлагын хэрэгжилтийг хангах хүрээнд иргэдээс ирүүлсэн гомдлын дагуу уг албан шаардлагыг биелүүлээгүй зарим аж ахуй эрхлэгчдэд мөнгөн торгуулийн арга хэмжээ авлаа. Тухайлбал, Сонгинохайрхан дүүрэгт барьцаалан зээлдүүлэх үйлчилгээ буюу ломбардын үйл ажиллагаа эрхэлж буй “О ....” ХХК, “Тан....” ХХК-д Зөрчлийн тухай хуульд заасны дагуу мөнгөн торгууль оногдуулж хариуцлага тооцлоо" гэв.

Коронавируст халдвар /Ковид-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн 141 дүгээр зүйлийн 141.1-д “Барьцаалан зээлдүүлэх газар зээлдэгчтэй байгуулсан зээлийн гэрээний хүүгийн хэмжээг сарын 3 хувиас, алдангийн хэмжээг өдрийн 0.2 хувиас хэтрүүлэхгүй тооцно.” гэж, Хэрэглэгчийн эрхийг хамгаалах тухай хуулийн 12 дугаар зүйлийн 12.9-д “... хэрэглэгчийн эрхийг хохироосон гэрээ байгуулахыг хориглоно” гэж заасан байдаг.

Ш.Адьшаа: Оффтейк гэрээг УИХ-аар нээлттэй авч хэлэлцэх саналыг хүргүүлж байна
Ш.Адьшаа: Оффтейк гэрээг УИХ-аар нээлттэй авч хэлэлцэх саналыг хүргүүлж байна
 
Наурызын баярт зориулсан барилдаанд даян аварга Н.Батсуурь түрүүллээ
Наурызын баярт зориулсан барилдаанд даян аварга Н.Батсуурь түрүүллээ
Энэ мэдээ хуучирсан буюу 2022/12/23-нд нийтлэгдсэн мэдээ болно.