Ардчилсан намын дэд дарга Б.Дэлгэрмаа намын гишүүнчлэлээсээ татгалзан УИХ-ын сонгуульд бие даан нэр дэвшихээр Үндэсний аудитын газарт материалаа хүргүүлээд байсан билээ. Тэгвэл тэрээр бие даан нэр дэвшихээ больж "Та бидний Эвсэл"-ээс нэр дэвшихээр болжээ.
МАХН тэргүүтэй ИЗНН, МУНН-ын “Та бидний эвсэл” хуульд заасан хугацаандаа СЕХ-д нэр дэвшигчдийнхээ нэрсийг дөнгөж сая хүргүүлээд байгаа юм.
Энэ үеэр МАХН-ын дарга Н.Энхбаяр “МАХН, ИЗНН, МУНН ард түмэнтэйгээ хамтран байгуулсан “Та бидний эвсэл” 2020 оны сонгуульд нэр дэвшсэн 76 нэр дэвшигчийнхээ материалыг СЕХ-д өглөө. Манай нэр дэвшигчид ард иргэдтэйгээ олон жил сараар уулзаж, ойр байсан хүмүүс. Нам намаас шилдэг нэр дэвшигчдийг дэвшүүллээ" гэв.
UBN.mn сайтын редакц