Цагдаагийн байгууллагын 102 дугаарын утсанд энэ оны 12 дугаар сарын 06-ны 23 цаг 12 минутад “Хан-Уул дүүргийн нутаг дэвсгэрт байрлах хоолны газрын гадна талд хүмүүс зодолдоод байна” гэсэн дуудлага ирүүлснийг хүлээн авч, бүртгэн мөрдөн шалгах ажиллагааг явуулж байна.
Шалгалтын явцад хоолны газар үйлчлүүлж байсан Монгол улсын 4 иргэн тус газраас 23 цагийн орчим гарч байгаад гадаах талбайд нь БНХАУ-ын 2 иргэн болон Монгол Улсын иргэд хоорондоо маргалдан, зодолдож БНХАУ-ын иргэн нь Монгол улсын иргэн Б-г хутгалж биед нь гэмтэл учруулсан нь тогтоогдсон. Хохирогч А, Б нарт гэмтлийн зэргийг тогтоох зорилгоор шинжээч томилж шүүх шинжилгээний үндэсний хүрээлэнд хүргүүлсэн, одоогоор хохирогч Б нь эмнэлэгт хэвтэн эмчлүүлж байгаа.
Хэрэгт холбогдон шалгагдаж байгаа БНХАУ-ын иргэдийн хувьд 35-38 насны 3 иргэн байна.
