Цаг агаар эрс хүйтэрч цас орсны улмаас автозамуудад халтиргаа гулгаа үүссэн. Дүүргийн хэмжээнд зам цэвэрлэгээний 4 байгууллагын давс, бодис цацах тусгай төхөөрөмжит 6 автомашин, инженер техникийн 6 албан хаагч, зам талбайн 148 үйлчлэгч, 6 жолооч, 12 ачигч нийт 172 хүний бүрэлдэхүүнтэй ажиллаж 18,5 тн давс, 10 тн бодис, 15 тн дайрга цацах ажлыг хийж гүйцэтгэж байна.

Шөнийн 23 цаг 55 минутын байдлаар Эмээлт, Баруунтуруун, Ар гүнтийн даваануудад "Грейт роуд", "Улаанбаатар шинэчлэл" ХХК-иуд 2 автогрейдр, 2 ковш трактор, тусгай төхөөрөмжийн 4 автомашин, 34 хүний бүрэлдэхүүнтэй 2 бригад шуурхай арга хэмжээ авч ажиллаж байна.

ИРГЭД ТА БҮХЭН АВТОЗАМЫН ХӨДӨЛГӨӨНД АНХААРАЛ, БОЛГООМЖТОЙ ОРОЛЦОНО УУ.