Цагдаа, дотоодын цэргийн байгууллагын нийт 31 алба хаагчдад хөгжлийн бэрхшээлтэй хүнтэй харилцах, ур чадвар, арга барилыг эзэмшүүлэх зорилгоор 2022.04.11-2022.04.22-ны хугацаанд сургалт зохион байгуулж байна.
Сургалтаар хөгжлийн бэрхшээл ба тэгш байдал, ойлголт, хандлага, сэтгэл зүйн онцлог, хууль эрх зүй, агентлагийн чиг үүргийн талаарх мэдээллүүдийг ХНХЯ-ын Хөгжлийн бэрхшээлтэй иргэдийн хөгжлийн хэлтсийн мэргэжилтэн Б.Болороо, ХБХХЕГ-ын мэргэжилтэн Х.Сансармаа, дохионы орчуулагч багш Б.Саранчимэг нар танилцуулсан. Сургалтын үр дүнд тэдний мэдлэг, ойлголт, хандлага дээшилж, ЦЕГ-ын даргын баталсан “Хөгжлийн бэрхшээлтэй хүнтэй харилцах, туслах /код 238/ журам”-ын хэрэгжилтийг ханган ажиллах юм.
